（用绍兴话）周作人半农哥呀半农哥，偌真唱得好山歌，一唱唱得十来首，偌格本事直头大。我是个弗出山格水手，同撑船人客差弗多。头脑好唱鹦哥调，我是只会听来弗会和。我弗想同带来扳子眼，也用弗着我来吹法螺。今朝轮到我做一篇小序，岂不是坑死俺也么哥？——倘若一定要我话一句，我只好连连点头说：“好个，好个！”